Thursday, 15 February 2018

Real Madrid ta lallasa PSG da ci 3-1

Real Madrid ta ci Paris St Germain 3-1 a Gasar Cin Kofin Zakarun Turai da suka kara a ranar Laraba a Santiago Bernabeu. PSG ce ta fara cin kwallo ta hannun Adrien Rabiot a minti na 33 da fara tamaula, kuma daf da za a tafi hutu Madrid ta farke ta hannun Cristiano Ronaldo a bugun fenariti.


Saura minti bakwai a tashi daga wasan Cristiano Ronaldo ya ci na biyu, sanan Marcelo Vieira Da Silva ya kara na uku a raga.

Real da PSG sun kara a gasar cin kofin Zakarun Turai a kakar 2015/16, inda suka tashi canjaras a Faransa a wasan farko a ranar 21 ga watan Oktoba, a wasa na biyu a ranar 3 ga watan Nuwamba Real ta ci 1-0 a Spaniya.

PSG zata karbi bakuncin Real Madrid a wasa na biyu a ranar 6 ga watan Maris din 2018.
bbchausa.

1 comment:

  1. Pour tous vos problemes d'achat des medicaments avec et sans ordonnance, rendez vous sur le site de la meilleure pharmacie en ligne. cette plateforme vous offre des produits originaux agreer par les agences europeeenes et americaines du medicament!

    ReplyDelete