Friday, 6 April 2018

An sako amaryar da aka sace a Birnin Gwari

'Yan uwan amaryar da aka sace a Birnin Gwari na jihar Kaduna da ke Najeriya sun ce mutanen da suka yi garkuwa da ita sun sako ta tare da kanwarta ranar Juma'a.


Mijin amaryar ya tabbatar wa BBC da cewa an sako matarsa Halima da kuma kanwarta Shafa'atu da misalin karfe takwas na safe kuma yanzu suna kan hanyarsu ta zuwa Wushihi da ke jihar Niger.

Sai dai Ango bai bayanna cewa ko an biya kudin fansa ba kafin aka sako amaryar tasa ba, amma rahotanni sun ce sai da dangin amaryar suka biya naira miliyan daya kafin masu garkuwa da mutane su sako ta da 'yar rakiyarta.

Rahotanni sun ce masu garkuwa da mutane sun kai amaryar da kuma 'yar uwarta wani wuri da ake kira Tsohon Mai Unguwa da ke Birnin Gwari inda suka ajiye ta.
bbchausa.

No comments:

Post a Comment