fbpx
Tuesday, March 9
Shadow

Gwamnoni sun ce za su sake gina kasuwar Sasa

Kungiyar gwamnonin Najeriya ta ce za ta ba da gudunmuwa wajen sake gina kasuwar Sasa ta birnin Ibadan da aka kona a rikicin da aka yi tsakanin Yarabawa da Hausawa a karshen makon jiya.

Gwmnan jihar Kebbi wanda ya jagoranci tawagar wasu gwamnonin arewa hudu zuwa jihar Oyo ne ya bayyana haka a lokacin da yake bayani a fadar Sarkin Hausawan Sasa Malam Haruna Mai Yasin.

Gwamna Bagudu ya ce a yanzu haka sun kai wa mutanen da lamarin ya shafa gudunmuwa, sai dai bai yi karin bayani kan gudunmuwar ba.

Gwamnonin na jihohin Arewacin Najeriya sun kai ziyara a jihohin kudu maso yammacin kasar ne a kokarin wanzar da zaman lafiya bayan fadan da ya barke a tsakanin Hausawa da Yarbawa a makon jiya.

Gwamnonin sun hada da na Kano, Abdullahi Umar Ganduje da Neja, Abubakar Sani Bello da Kebb iAtiku Bagudu.

Akwai kuma Bello Matawalle na Zamfara, wadanda suka ziyarci takwaransu na jihar Oyo Seyi Makinde game da rikicin da ya faru tsakanin Yarbawa da Hausawa a kasuwar Sasa a birnin Ibadan.

Wakilin BBC da ya je birnin na Ibadan ya ce ya kirga kaburbura 12 na mutanen da aka binne daga bangaren Hausawa, yana mai cewa al’uumar Hausawa sun shaida masa cewa mutum 17 aka kashe daga bangarensu.

Rikicin ya kai ga rufe kasuwar tare da kafa dokar hana fita, matakin da ƴan kasuwa Hausawa suka ce ya jefa su cikin mawuyacin hali na rashin abinci da ruwan sha.

Dan sauke manhajar hutudole a wayoyin ku. Sai a bi wannan link din na kasa:


×
Kano

Leave a Reply

Your email address will not be published. Required fields are marked *