fbpx
Saturday, March 6
Shadow

Yan Sanda Sun Kashe Wasu Yan Bindiga Tare Da Kwato Bindigogin AK47 a Jihar Katsina

Rundunar ‘yan sanda a jihar Katsina ta tabbatar da mutuwar wani da ake zargin dan fashi ne da kuma kwato bindigogin AK47 guda biyu sakamakon musayar wuta tsakanin jami’an tsaro da wadanda ake zargi da aikata laifin.

Da yake magana da manema labarai a ranar Laraba, Jami’in hulda da jama’a na rundunar ‘yan sanda a jihar, SP Gambo Isah, ya ce lamarin na farko ya faru ne a garin Danmusa lokacin da‘ yan bindigar suka kai wani hari.
“A yau 17/02/2020 da misalin karfe 02: 00hrs, DPO Danmusa tare da tawagarsa suka amsa kira, cewa‘ yan fashi, bakwai suna harbi ba kakkautawa da bindigogin AK 47, sun kai hari gidan wani Alhaji Sani Bello, na Danmusa, karamar hukumar Danmusa ta jihar Katsina.
“kungiyar ta yi musayar wuta da yan fashin, sun kashe yan fashin guda ɗaya sannan suka kwato bindiga ɗaya AK 47 tare da harsasai 17 masu rai 7.62mm.
“An yi imanin cewa wasu na sun tsere da raunin harbin bindiga. Har ilayau bangarorin bincike na ci gaba da tsefe yankin don kamo ‘yan fashin da suka ji rauni ko dawo da gawawwakinsu. Ana ci gaba da bincike, ”inji shi.
Lamarin na biyu, in ji Isah, ya faru ne kuma a ranar Laraba da misalin karfe 2:45 na rana, lokacin da DPO Kankara da tawagarsa, yayin da suke sintiri a kan kauyukan Zango-Pauwa suka yi kicibis da wasu da ake zargin ’yan fashi ne kuma suka yi musayar wuta kuma suka gano bindiga AK 47 da harsasai 7.62mm.
Ya kara da cewa masu binciken suna duba yankin don kwato wasu makamai da alburusai ko gawarwakin ‘yan fashin.

Dan sauke manhajar hutudole a wayoyin ku. Sai a bi wannan link din na kasa:


×
Kano

Leave a Reply

Your email address will not be published. Required fields are marked *