Thursday, 23 November 2017

Matar data kashe mijinta:Yanda mukayi kokarin hana Bilya auren Maryam amma yaki ji>>inji wani abokin marigayin

Wani abokin marigayi Bilya wanda matarshi Maryam ta kashe saboda kishi yayi rubutu dan tunawa da zagayowar ranar haihuwar abokinnashi, wanda yace da yana da rai to yau da ya cika shekaru 36 kenan da haihuwa.

Dikko mustafa ya bayyana cewa abokinshi, marigayi Bilya mutumin kirkine, saidai kash, beyi dacen mataba. Yaci gaba da bayar da labari inda yace lokacin da zai auri maryam ta kuma yi kokarin rabashi da matarshi, a nanne suka saba, domin Shi Dikko yace bai goyi bayan Bilya ya saki matarshi ya auri maryam ba amma a wancan lokacin soyayya ta rufewa Bilya ido, baya ganin abinda suke hango mishi.

Da suka ga yayi nisa baya jin kira, sai suka fita harkarshi, suka kyaleshi ya rika abinshi shi kadai, ya saki matarshi, ya rabu da 'yan uwanshi, ya rabu da abikanshi, ya auro maryam, to yanzu gashi Maryam ta rabashi da Duniyar baki daya.


 Dikko yace abinda yake sosamai rai shine idan ya tuna yanda suka kyale Bilya da Maryam, watakila da basu kyaleshiba da haka bata faruba, da sun bashi shawara akan yanda zai magance matsalar gidanshi. Yace amma yanzu lokaci ya kure, saidai suyi mai fatan Alheri.
Allah ya jikan Bilya.

No comments:

Post a Comment