Friday, 15 December 2017

An 'hana' Musulma zama lauya saboda ta sanya Hijabi

An hana wata 'yar Najeriya da ta kammala karatun lauya zama lauya - mai iya aiki a kotu - bayan saboda hijabin da ta saka wanda ake ganin ya saba wa dokar tufafin makarantar horars da lauyoyin kasar.


Shugaban makarantar horas da lauyoyi Isa Hayatu Chiroma ya shaida wa BBC cewa an hana Amasa Firdaus shiga dakin taron yaye lauyoyi ne saboda bata sanya tufafin da ya dace ba.

Ta ki ta cire hijabinta, tana mai cewa dole ta saka hular lauyoyi kan dan-kwalinta, in ji shafin intanet Nigerianlawyer.com.

Rahotanni sun ce Firdaus ta bayyana matakin a matsayin karan keta hakkinta na bil Adama.

Wata mata dai ta wallafa wani sako a shafin sa da zumunta na Instagram inda ta yi korafin cewa masu kula da lamuran dokar Najeria sun yi wa wata "'yar uwa" wariya tana mai amfani da maudu'in #justiceforFirdaus.

Tuni dai 'yan Najeriya suka yi ta tafka muhawara a kotu kan hana mai saka hijabin zama lauya.
bbchausa.

No comments:

Post a Comment