Tuesday, 12 June 2018

Julen Lopetegui ne sabon kocin Real Madrid

Kungiyar kwallon kafa ta Real Madrid ta nada Julen Lopetegui a matsayin sabon kocinta.
Kungiyar ta fara neman sabon koci ne tun bayan da Zinedine Zidane ya bar kulob din a watan da ya gabata.


Sabon kocin, mai shekara 51, ya kulla yarjejeniyar shekara uku ne a kungiyar wadda za ta fara aiki bayan kammala Gasar Cin Kofin Duniya.

Lopetegui ne zai jagoranci Spain a gasar.

Lopetegui wanda tsohon kocin kungiyar Porto ne ya taba kasancewa da karamar kungiyar Real Madrid kuma sau daya ya taba yi wa babbar kungiyar wasa.

A karshen watan Mayu ne Zinedine Zidane ya ajiye aikin horar da Real Madrid, kwana biyar bayan ya lashe Kofin Zakarun Turai a karo na uku a jere.
bbchausa.

No comments:

Post a Comment