Tuesday, 12 June 2018

Musabahar Trump da Kim ta kafa tarihi

Shugaban Amurka Donald Trump da takwaransa na Koriya ta Arewa, Kim Jung-un, sun sa hannu a kan wata yarjejeniyar hadin gwiwa bayan wata tattaunawa da ba a taba yin irinta ba a Singapore.


Mr Trump ya ce, ya na alfahari da abubuwan da su ka cimma a tattaunawar, kuma alakar da ke tsakanin Amurka da yankin Koriya zai sauya idan a ka kwatanta da yadda ya ke a da.

Shugaban na Amurka, ya kuma ce bangarorin biyu sun kulla wata alaka ta musamman.

A nasa bangaren, Mr Kim ya ce tattaunawar za ta kafa tarihi kuma duniya za ta ga babban sauyi.
Za a dai a rabawa manema labarai kwafin yarjejejniyar.

Sai da shugabanni biyu suka fara ganawa su biyu in banda masu fassara, kafin daga bisani su gana da manyan ba su shawara da sauran jami'ai.

Karin bayani a kan wannan labari
Amurka dai ta dade ta na dagewa a kan dakatar da da kuma kera makamin nukiliyar da Koriya ta Arewa ke yi.

Kazalika Amurka, ta yi alkawarin tabbacin tsaro da habaka tattalin arzikin Koriya ta Arewar idan ta amince da kwance d'amara.

Masharhanta dai na ganin Shugaba Trump, ya dauko wata babbar kasassab'ar diflomasiyya, inda zai kasance shugaban Amurka na farko da zai gana da takwaransa na Koriyar Arewa.
bbchausa.

No comments:

Post a Comment