Friday, 13 July 2018

Fadar shugaban kasa zata buga sunayen mutane 200 da suka wawure kudaden kasa

Fadar Shugaban Kasa ta bayyana cewa ta na shirye-shiryen buga sunayen wasu da ake zargin sun waruri kudade, har mutum 200.
.
Mutanen ana zargin sun azurta kan su ta hanyar kwasar su dadaden suka mallaki kadarori.

Mai Baiwa Shugaban Kasa Shawara na Musamman a kan Gurfanar da Mazambata Kotu, Okoi Obono-Obla, shi ya fadi haka a lokacin da yake jawabi wurin taron kungiyar ANEEJ a Abuja.

Jaridar Daily Trust ruwaito jiya Alhamis cewa, Obla bai yi karin hasken ko za a gurfanar da su a gaban kotu bayan buga sunayen ko a’a ba.

Kokarin jin karin bayani daga bakin Obla da PREMIUM TIMES ta yi, ya ci tura.

Rahoton ya nuna cewa za a umarci masu kadarorin da su fito su kawo hujjojin yadda aka yi suka mallake su, ko kuma idan ba za a su iya yin gamsasshen bayani ba, to za a maida dukiyar a baitilmalin kasa.

Rahoton ya kara da cewa tuni an gama tsaya fayyace wadanda suka mallaki manyan kadarori a Babban Birnin Tarayya Abuja.

No comments:

Post a Comment