Monday, 6 August 2018

Haduwar Kwankwaso da Shekarau: Ta ciki na ciki>> jam’iyyar APC

Uwar jam’iyyar APC reshen jihar Kano ta bayyana haduwar Sanata Rabiu Musa Kwankwaso da Malam Ibrahim Shekarau a matsayin haduwar da ban a Allah da Annabi bane, kamar yadda jaridar Daily Trust ta ruwaito.


Mataimakin shugaban APC na Kano, Shehu Maigari ne ya bayyana haka a ranar Lahadi, 5 ga watan Agusta, inda yace haduwar tsofaffin gwamnonin jihar biyu ba zai rage ma APC komai ba a zaben 2019, aka ce ko a jikina, wai an tsikari kakkausa.

Ya kara da cewa nan bada jimawa ba za’a gansu a rana, domin kuwa a tarihinsu basu taba zama a inuwa day aba, sakamakon suna da akidunsu na siyasa ya bambanta sosai: “Siyasa lamari ne na akida guda, amma Kwankwaso da Shekarau basu da akida daya, kuma hanyar kare daban hanyar mota daban.

“Don haka ba zasu iya zama tare su yi aiki tare ba, don haka jama’a sun zura idanu don ganin yaddda zata kaya a tsakaninsu, Kwankwaso ne zai yi rinjaye ko kuwa Shekarau.” Inji shi.

Daga karshe Maigari ya bayyana cewa ta tabbata a yanzu cewa Kwankwaso da Shekarau ba bukatar jama’a suka sanya a gaba ba, bukatar kansu ta kashin kai ne kawai damuwarsu.

No comments:

Post a Comment