Saturday, 4 August 2018

Tambuwal yayi wa siyasa ganganci, sannan ga kuma yaranta>>Inji Wammako

Tsohon gwamnan jihar Sokoto Aliyu Magatakarda Wammako, ya caccaki gwamnan jihar Aminu Waziri Tambuwal cewa yaran ta ne ya kwashe shi ya sa ya fice daga APC zuwa PDP.


” Ina yabawa Tambuwal ganin sa matashi mai kwazo sannan yana da himma a siyasa, amma yayi gaggawar ficewa daga APC. Bai yi shawara ta gari ba. Kuma ina tabbatar maku da cewa sai yayyi da na sani.

” Da ya sani sannan ya na tare da mutanen jihar Sokoto da ba haka ba. Sadoda haka ina tabbatar muku da kuyi watsi da yawan mutanen da kuka gani a taron sa, duk bula ce. Jihar Sokoto ta Buhari ce kuma jihar APC ce.

Idan ba a manta ba jam’iyyar PDP ta Gwamnan jihar Sokoto, Tambuwal ya fice daga jam’iyyar APC zuwa PDP a farkon wannan mako a wani taron dubban magoya bayan sa a gidan gwamnati dake Sokoto.

Tambuwal ya ce gazawar gwamnatin Buhari da jam’iyyar APC ne ya sa ya fice daga jam’iyyar.
Premiumtimeshausa.

No comments:

Post a Comment