Saturday, 3 November 2018

Ina tare da Buhari>>Tinubu ya jaddada

Tsohon gwamnan jihar Legas kuma jigo a jam'iyyar APC, Bola Ahmad Tinubu ya jaddada goyon bayanshi ga shugaban kasa, Muhammadu  Buhari a zaben shekarar 2019 me zuwa.

Tinubun ya bayyana haka a matsayin martani ga maganar da tsohon ministan Abuja, Abba Gana yayi inda yake cewa Tinubun zai goyi bayan Atiku ne a zaben 2019 ba Buhari ba saboda irin alakar dake tsakaninsu, kamar yanda Sahara Reporters suka ruwaito.

Saidai a martanin da ya fitar ta hannun me magana da yawunshi, Tunde Rahman, Tinubu yace babu kanshin gaskiya a wancan maganar da Abba yayi kuma be san inda ya samota ba.

Ya kara da cewa, tun da dadewa Tinubu ya bayyana matsayarshi akan goyon bayan Buhari kuma bai canja ba ko da a kwanaki biyu da suka gabata, da yake magana da manema labarai a fadar shugaban kasa ya jaddada cewa idan PDP ta ga dama ta yi taronta a duk inda take so amma 'yan Najeriya sun san wanda ke sonsu da Alheri da kuma wanda ya cancanta.

Yace tabbas Atiku abokin siyasarshine kamar yanda yake da sauran abokan siyasa amma fa maganar shugaban kasa yana bayan Buhari.

No comments:

Post a Comment