Friday, 15 February 2019

Mafi yawan Alkawuran da Buhari yayi be cikasu ba dan haka a baiwa Atiku dama shima idan bai cika alkawuranshi nan da shekaru 4 ba sai a canjashi>>Sani Musa Danja

Tauraron fina-finan Hausa, Sani Musa Danja, Zaki wanda yana daya daga cikin na gaba-gaba a masana'antar Kannywood wajan tallata dan takarar shugaban kasa na jam'iyyar PDP, Atiku Abubakar ya bayyana cewa mafi yawan alkawuran da Buhari yayi be cika su ba.



A cikin wani jerin jawabi da yayi a shafinshi na sada zumunta Sani Danja yace, ya kamata idan mutane sun ga abinda ba daidai ba a gwamnati su rika fitowa suna fada dan hakan shine soyayya kuma ta hakane gwamnatin zata san da kuskurenta ta gyara.

Yace a da Boko Haram kawai aka sani amma yanzu ga fulani makiyaya masu kai hari, ga satar mutane a Zamfara dadai sauransu.

Yace da ace yanda ake tururuwa wajan yakin neman zabe haka gwamnoni suke tururuwa a Zamfara saboda gano hanyar magance kisan da akewa mutane da ba haka ba.

Ya kara da cewa, mafi yawancin alkawuran da Buhari yayi be cika ba dan haka a zabi Atiku Abubakar shima nan da shekaru 4 idan aka ga be cika alkawuran da ya dauka ba sai a canjashi.

No comments:

Post a Comment