Saturday, 16 February 2019

Me yasa 'yan Najeriya ke son komawa Canada?

Wasu 'yan Najeriya na tafka muhawara bayan da wasunsu suka ce za su koma kasar Canada saboda daga zaben shugaban kasa da na 'yan majalisu da hukumar zaben kasar ta yi.


Suna tafka muhawarar ne a shafin sada zumunta na Twitter.

Ba a san wanda ya fara amfani da maudu'in ba, sai dai a halin da yake ciki shi ne maudu'i mafi shahara a shafin Twitter a kan zaben Najeriya wadda hukumar zabe ta Najeriya ta daga zuwa makon gobe.

Maudu'in na cewa saboda fusatar da 'yan Najeriya suka yi da matakin na hukumar zaben, shi yasa za su fice daga kasar zuwa Canada.

Amma wasu 'yan Najeriyar na kallon batun ta fuskar barkwanci, kuma sun rika wallafa hotunan da kan sa mutane dariya da nishadi.


Ga wasu daga cikin sakonnin da aka wallafa a shafin na Twitter:

Ye of Canada (@blaisemaen) ya wallafa hoton Atiku Abubakar da tsohon dan takarar mukamin gwamnan jihar Osun da bai yi nasara ba.

Ya nuna kamar mutanen biyu na tattaunawa kan batun na komawa Canada, amma ya sauya masu sunaye, inda ya kira daya John, daya kuma ya kira shi Saki:

John: Abokina ba ka san abin da na gani ba da na isa Canada ba.

Saki: Me ya faru?

John: Sai naga 'yan Najeriya a ko'ina.

Wani mai suna @PaultwinOkoye ya wallafa wani hoton na wasu jiragen sama masu tarin yawa na tashi daga filin jirgin sama:

Hoton 'yan Najeriya da ke ficewa daga kasar zuwa Canada 😂😂😂🤣🤣🤣🤣🏃🏃🏃🏃🏃

Shi kuwa @laffbro ya wallafa wani hoton motar bas ta haya da wasu fasinjoji ke kokawar shiga cikinta har ta tagoginta:

Yayin da 'yan Najeriya suka ji yaron mota na kiran fasinja su tabbata sun shiga motar zuwa Canada da canjinsu na naira 200! 😂😂😂

A karshe kuma ga wannan mai suna @psalmuel__ wanda ya ce:

Ina sanar da 'yan uwana 'yan Najeriya cewa kuna daf da rasa ni ga kasa mai alamar ganyen maple, wato Canada!
BBChausa.

No comments:

Post a Comment