Monday, 18 February 2019

Na janye tsinuwar da nawa wanda basa son Buhari amma har yanzu ina kira da a zabeshi>>Sheikh Gero Argungun

Shehin malamin addinin Islama, Sheikh Abubakar Gero Argungun ya fito ya bayar da hakuri akan la'anar da yayiwa wanda basa goyon bayan shugaban kasa, Muhammadu Buhari.



A cikin wani faifan bidiyo da ya saki, Malamin ya bayyana cewa bidiyonshi da ake yadawa a shafukan sada zumunta inda aka nunashi yana cewa Allah ya kwashewa duk wanda baison Buhari Albarka da gaskene, hakan ya faru amma tun lokacin mulkin Jonathan ne a lokacin da ake fama da hare-hare ta yanda yanayin da ake ciki ke sa mutum yayi irin wadancan kalamai.

Malamin ya kara da cewa kuma bama a Najeriya yayi wancan wa'azi ba amma dai duk da haka maganar tsinuwa da yayi ya yadda cewa akwai kuskure a ciki kuma ya janye.

Saidai ya kara da cewa har yanzu yana nan kan bakanshi na jama'a su fito su sake zaben shugaban kasa, Muhammadu Buhari ranar Asabar.

No comments:

Post a Comment