Friday, 17 May 2019

Majalisar Najeriya ta amince a sauya ranar Dimokradiya

Majalisar Dattawan Najeriya ta amince da dokar ayyana ranar 12 ga watan Yuni a matsayin ranar Dimokiradiya da kuma hutu a fadin kasar.



Amincewa da dokar na zuwa kusan shekara guda da shugaban kasar Muhammadu Buhari ya sanar cewa, za a sauya ranar Dimokradiya ta kasar daga 29 ga watan Mayu zuwa 12 ga watan Yuni.

Tuni Majalisar Wakilai ta amince da matakin a nata bangaren.

Kodayake wasu su daga cikin mambobin Majalisar Tarayyar Najeriya sun soki wannan matakin na shugaban kasa, yayinda wasu suka yi madalla da shi.

Yanzu haka za a mika doka ga shugaba Buhari domin rattaba hannu akai.

An sauya ranar Dimokradiyar ce domin karrama marigayi Moshood Abiola da ake kallo a matsayin wanda ya yi nasara a zaben shugaban kasa da aka gudanar a shekarar 1993.
RFIhausa.

No comments:

Post a Comment