Saturday, 12 October 2019

Na cancanci samun kyautar Nobel>>Buhari

Shugaban Najeriya, Muhammadu Buhari ya ce kyautar Nobel ta zaman lafiya da aka karrama firaministan Habasha, Aby Ahmed da ita abin alfahari ne ga Afirka ta yadda firaministan ya iya sasanta rikicin da ke tsakanin kasarsa da makwabciyarta, Eritrea.


A ranar Juma'a ne aka ba Abiy Ahmed kyautar saboda kokarinsa na wanzar da zaman lafiya a tsakanin kasarsa Habasha da makwabciyarta Eritrea da kuma rawar da ya taka wajen sasanta rikicin Sudan tun bayan hawansa karagar mulki.

Shugaba Buhari na Najeriya wanda ya bayyana lamarin a matsayin abin alfahari ga Afirka baki daya, ya ce shi ma ya cancanci samun kyautar.

Ya ce kyautar gagarumin ci-gaba ne ga nahiyar Afirka ta fuskar zaman lafiya da dorewar kwanciyar hankali.

Sai dai ya ce Shugaba Buhari ma ya cancanci ya samu wannan kyauta saboda irin rawar da ya taka wajen kawo karshen rikicin al'ummar Tibi da Jukun.

Garba Shehu ya ce dalilin da ya sa Najeriya ba ta samun kyautar Nobel din shi ne rashin rubuta kasar da kuma haska irin kokarin da take yi wajen tabbatar da zaman lafiya a tsakanin jama'a.




"Mu ba mu roki a ba mu kyautar Nobel ba," in ji Garba Shehu.

Farfesa Wole Soyinka ne dan Najeriya da ya taba cin kyautar Nobel a 1986, kuma babu wanda ya sake samunta a Najeriya sabanin Afirka ta kudu da mutane da dama suka samu.

Tun bayan da aka ba wa Aby Ahmed wannan kyauta ne, shugabannin kasashe da hukumomi suke ta aike sakonnin taya shi murna musamman kan kokarin da ya yi na cimma yarjejeniyar zaman lafiya da Eritrea a bara bayan kwashe tsawon shekaru ashirin suna takaddama.

Sakatare Janar na Majalisar Dinkin Duniya Antonio Gueterres ya ce "tsare-tsaren Abiy Ahmed sun taimaka wa Ethiopia da Eritrea wajen kafa tarihin dawo da zaman lafiya."

Abiy Ahmed dai ya yi wa dubban fursunonin siyasa afuwa, sannan ya bai wa kungiyoyin hamayya da 'yan jarida damar yin ayyukansu bayan kwashe shekaru ana tauye masu hakki.


Kokarinsa na kawo karshen rikicin siyasa a Sudan ya taimaka wajen daukar matakin ba shi wannan kyauta ta Nobel.

Amma wasu sun soki wannan matakin, saboda kamar yadda kwamitin Nobel din ya ce, har yanzu akwai matsalolin da ba a magance ba a Ethiopia.
BBChausa.





Ku biyomu a shafukanmu na sada zumunta dan samun labarai masu kayatarwa:

A shafin twitter zaku same mu a @hutudole

A shafin Facebook zaku samemu a @hutudolehausa

Danna nan dan sanin yanda zaku tallata hajarku a shafin hutudole

No comments:

Post a Comment