Thursday, 7 November 2019

BAYAN RUFE BODA: An Hana Sayar Da Man Fetur A Gidajen Mai Dake Kusa Da Iyakokin Nijeriya

 Gwamnatin tarayya ta bakin hukumar hana fasa kwabri wato Kwastam, ta bada umurnin daina sayarwa gidajen mai dake kimanin kilomita 20 da iyakokin Najeriya man fetur. 


Kwantrola Janar da hukumar kwastam, Hameed Ali, ya bada umurnin ne a jawabin da wani mataimakinda Chidi, A ya fitar ranar 6 ga Nuwamba, 2019.

 Jawabin yace: " Kwantrola Janar na kwastam ya bada umurnin cewa daga yanzu kada a sake sayarwa gidajen mai da ke da kusancin kilomita 20 da iyakokinmu komin kankancinshi." "Saboda haka a na kira ga ku dabbaka umurnin kai tsaye." 

A wani labarin, Kwantrola Janar na hukumar hana fasa kwabrin, Kanar Hamid Ali, ya ce rufe iyakokin Najeriya da akayi zai yi matukar taimakawa cigaban kasar.

 Yace: "Wannan gwamnati ce wacce ta lashi takobin cewa wajibi ne mu gina Najeriya, mu ci kayan noman Najeriya." 

"Kasar Sin da muke zuwa siyo kusan dukkan kayayyakin da muke amfani da su, shin kun san shekaru nawa suka rufe iyakokinsu? Sun rufe iyakokinsu na tsawon shekaru 40 kuma gashi yau sun girma. Shin baku son Najeriya ta girma ne?"

 Hakazalika Shugaba Hukumar DSS, Magaji Bichi, ya ce rufe iyakokin da Najeriya da gwamnatin tarayya tayi ya taimaka wajen rage fataucin makamai kuma ya taimakawa jami'an tsaro wajen lura da shiga da ficen mutanen da ka iya zama kalubale ga zaman lafiyar kasa.

 Mista Bichi ya bayyana hakan ne a taron yaye daliban ilimin leken asiri da Abuja.







Ku biyomu a shafukanmu na sada zumunta dan samun labarai masu kayatarwa:

A shafin twitter zaku same mu a @hutudole

A shafin Facebook zaku samemu a @hutudolehausa

Danna nan dan sanin yanda zaku tallata hajarku a shafin hutudole

No comments:

Post a Comment