fbpx
Monday, November 29
Shadow

‘An kama wadanda suka kai wa Sarkin Potiskum hari’

‘Yan sanda a Najeriya sun ce sun kama wadanda ake zargi da kai wa Sarkin Potiskum, Alhaji Umaru Bubaram, hari a kan babban hanyar Kaduna zuwa Kano ranar Talata 14 ga watan Janairun 2020.

Maharan sun bude wa ayarin motocin sarkin wuta, abin da ya yi ajalin mutum shida – biyu fasinjoji da ke tafiya a hanyar, hudu kuma daga cikin jama’ar sarkin – a cewar DSP Yakubu na runduynar ‘yan sanda ta jihar Kaduna.


(adsbygoogle = window.adsbygoogle || []).push({});

Rundunar ‘yan sandan kasar ta ce mutum ukun da take tsare da su sun tabbatar da hannunsu a harin da aka kai wa basaraken.

Sanarwar da rundunar ta fitar a shafinta na Twitter ta ce mutanen na da hannu a ayyukan ta’addanci da garkuwa da mutane a sassan arewacin kasar kuma suna bai wa ‘yan sanda muhimman bayanai.

Kakakin ‘yan sandan kasar Frank Mba ya ce rundunar na bincike domin dakile aiyukan kungiyar da sauran bata gari.

Da yake kira ga jama’a da su nuna kishin kasa ta hanyar bayar da bayanai kan bata gari, Frank Mba ya koka bisa yadda wasu ‘yan kasar ke rufa wa miyagu asiri.


(adsbygoogle = window.adsbygoogle || []).push({});

Ku biyomu a shafukanmu na sada zumunta dan samun labarai masu kayatarwa:

A shafin twitter zaku same mu a @hutudole

A shafin Facebook zaku samemu a @hutudolehausa

Danna nan dan sanin yanda zaku tallata hajarku a shafin hutudole

Dan sauke manhajar hutudole a wayoyin ku. Sai a bi wannan link din na kasa:

Leave a Reply

Your email address will not be published. Required fields are marked *