fbpx
Monday, November 29
Shadow

Ba za a yi zaɓe a Anambra ba sai an sako Nnamdi Kanu – IPOB

Shugabannin ƙungiyar masu fafutikar kafa ƙasar Biafra a kudancin Najeriya, Indigenous People of Biafra (IPOB), ta bai wa gwamnatin Najeriya wa’adin mako ɗaya da ta saki jagoranta Nnamdi Kanu.

Sharaɗin da ƙungiyar ta bayar ya ce idan ba a saki Mista Kanu ba za ta tsayar da dukkan ayyuka cak a yankin kudu maso gabashin ƙasar daga 5 zuwa 10 ga watan Nuwamba.

Hakan na nufin ba za ta bari a gudanar da zaɓen gwamna ba a Jihar Anambra wanda hukumar zaɓe ta INEC za ta yi ranar 6 ga watan na Nuwamba.

IPOB ta yi amanna cewa ba za a yi wa Mista Kanu adalci ba a shari’ar da yake fuskanta ta cin amana da neman raba ƙasa a gaban Babbar Kotun Tarayya.

Sai dai shugaban INEC, Farfesa Mahmud Yakubu, ya ce sun shirya tsaf don gudanar da zaɓen, yana mai cewa “mun farfaɗo daga hare-haren da aka kai kan gine-ginenmu”.

‘Yan ƙungiyar ta IPOB na ci gaba da kai hare-hare a kan ‘yan siyasar yankin da ɗaiɗaikun mutane waɗanda suka ƙi bin umarnin da suka bayar na zaman gida duk ranar Litinin har sai an sako jagoran nasu.

Dan sauke manhajar hutudole a wayoyin ku. Sai a bi wannan link din na kasa:

Leave a Reply

Your email address will not be published. Required fields are marked *