fbpx
Thursday, September 23
Shadow

Jamb ta soke ƙayyade wa Jami’o’i makin jarabawa

Hukumar Jamb da ke shirya jarrabawar shiga Jami’o’i da sauran makarantun gaba da sakandare a Najeriya ta sanar da soke tsarinta na ƙayyade makin jarabawar da zai ba ɗalibai damar shiga makarantun.

Hukumar wacce ta sanar da ɗaukar matakin a ranar Talata a wani taron kwamitin gudanarwarta, ta ce yanzu makarantu ne ke da ƴancin ƙayyade makin da suke buƙata a jarabawar Jamb ga ɗalibai.

Shugaban hukumar ta Jamb Farfesa Ishaq Oloyede, yayin bayyana matakin a taron na masu ruwa da tsaki, ya ce wasu jami’o’i sun gabatar da makin da suka ƙayyade.

A wajen taron a cewarsa, Jami’ar Maiduguri ta gabatar da maki 150. Jami’ar Usman Danfodio da ke Sokoto ta gabatar da maki 140. Jami’ar Bayero ta gabatar da maki 180 a matsayin wanda ta ƙayyade.

Taron na masu ruwa da tsaki ya kuma amince da ranar 29 ga Oktoban 2021, a matsayin wa’adin kammala sauya tsarin na ɗaukar sabbin ɗalibai a shekarar 2021.

Dan sauke manhajar hutudole a wayoyin ku. Sai a bi wannan link din na kasa:

Leave a Reply

Your email address will not be published. Required fields are marked *