fbpx
Saturday, April 17
Shadow

Yan bindiga sun kashe mutune 7 a Jihar Kaduna

Gwamnatin jihar Kaduna ta fada a ranar Lahadi cewa ‘yan bindiga sun kashe mutane bakwai a Jihar.

Kwamishinan tsaro na cikin gida da harkokin cikin gida, Mista Samuel Aruwan, ya tabbatar da faruwar lamarin a wata sanarwa da ya raba wa manema labarai ranar Lahadi a Kaduna.

Aruwan ya ce, “a wani abin bakin ciki, hukumomin tsaro sun ba da rahoton cewa ‘yan bindigar sun kai hari kan wasu mutane a kauyen Kajinjiri, karamar hukumar Igabi, kuma sun kashe mazauna 2″.

Ya ce mutum daya ya samu rauni a harbin bindiga kuma yana karbar magani a wata cibiyar lafiya da ke kusa.

Hakazalika, a kauyen Rago, kuma a karamar hukumar Igabi, ‘yan bindiga sun kashe wasu mazauna yankin 2,”.

Ya kuma bayyana cewa a wani lamarin na daban, ‘yan bindiga sun mamaye tashar Kutura, cikin karamar hukumar Kajuru, inda suka kashe mazauna wurin 3.

Kwamishinan ya ce Gwamna Nasir El-Rufai yayi Allah wadai da wadannan hare-haren, ya kuma jajantawa dangin wadanda aka kashe a duka hare-haren biyu, tare da yin addu’o’in neman jikan rayukansu.

Dan sauke manhajar hutudole a wayoyin ku. Sai a bi wannan link din na kasa:


×
Kano

Leave a Reply

Your email address will not be published. Required fields are marked *