fbpx
Friday, April 23
Shadow

Yanzu-Yanzu: An nada Alhaji Ahmad Garba Gunna a matsayin sabon Sarkin Kagara

Gwamnan jihar Neja, Alhaji Abubakar Sani Bello, ya sanar da nadin mukaddashin shugaban hukumar tattara kudaden shiga ta jihar Neja, Alhaji Ahmad Garba Gunna (Dan Majen Kagara), a matsayin sabon Sarkin Kagara.

Nadin sabon Sarkin ya biyo bayan rasuwar tsohon Sarki, Alhaji Salihu Tanko Kagara, a ranar 1 ga Maris, 2021 bayan fama da rashin lafiya a Minna, babban birnin jihar.

Gwamnan, ta bakin Kwamishinan Kananan Hukumomi, Ci gaban Al’umma da Harkokin Masarauta, Malam Abdulmalik Sarkin Daji, ya bayyana hakan a Minna a ranar Laraba bayan karbar rahotannin masarautun 14, karkashin jagorancin Alhaji Ibrahim Muhammad (Madakin Gunna).

Gwamna Bello ya ce nadin sabon Sarkin ya kasance daidai da sashi na 3 karamin sashe (1) na dokar Sarakuna (Nadawa da Nadin Sarauta), Fasali na 19, dokar jihar Neja.

Dan sauke manhajar hutudole a wayoyin ku. Sai a bi wannan link din na kasa:


×
Kano

Leave a Reply

Your email address will not be published. Required fields are marked *