Kungiyar Manchester United na kokarin ganin ta sayo tauraron Barcelona, Ivan Rakitic dan ganin ta maye gurbin Ander Herrera, dadin dadawa gashi babu tabbacin Paul Pogba zai tsaya a kungiyar.
Daily Record ta ruwaito cewa Manchester United na neman sayen dan wasan tsakiyar na Barca ruwa a jallo dan ganin sun maye gurbin Ander Herrera.
Duk da yake cewa Rakitic ya shafe shekaru 5 yanawa Barca wasa amma suna son sayar dashi dan su samu kudin sayen wasu 'yan wasan, ko da ma dai ya zauna a kungiyar ba lallaine ya samu rika buga wasa kamar da ba saboda zuwan Frenkie de Jong.
Barcelona na bukatar fan milyan 48 akan Rakitic saidai Man U na kokarin ganin ta sayeshi akan fan miliyan 30. Koda korarren kocin Man U, Jose Mourinho ya so ya sayi Rakitic a baya inda ya bayyanashi a matsayin dan wasan da ba ya samun yabon da ya kamata.
No comments:
Post a Comment