Pages

Thursday 22 August 2019

Twitter za ta gana da Pogba kan cin zarafin da aka yi masa

Kafar sadarwar Twitter za ta gana da dan wasan Manchester United, Paul Pogba biyo bayan zagin cin mutunci da kuma nuna wariyar launin fata da aka yi masa.





Pogba ya zamo dan wasa na uku da aka ci zarafinsu a cikin mako guda a shafukan sada zumunta, bayan ya barar da bugun fanariti a wasansu da Wolves.

Da dama daga cikin abokan taka ledar Pogba sun yi tur da wannan caccakar, yayinda mai horar ta tawagar matan Ingila, Phil Neville ya bukaci ‘yan wasan kwallon kafa da su kaurace wa shafukan sada zumunta baki daya.

A yanzu dai, Dandalin Twitter ya ce, zai gana da masu ruwa da tsaki domin nuna musu irin matakan da suke dauka don magance wannan matsalar ta cin zarafi.

Rashin zura kwallon Pogba ne ya sa Manchester United ta tashi kunnen doki 1-1 da Wolves a gasar firmiyar Ingila, abinda ya bakanta wa magoya bayanta rai.
RFIhausa.




Ku biyomu a shafukanmu na sada zumunta dan samun labarai masu kayatarwa:

A shafin twitter zaku same mu a @hutudole

A shafin Facebook zaku samemu a @hutudolehausa

Danna nan dan sanin yanda zaku tallata hajarku a shafin hutudole

No comments:

Post a Comment